Подробности

Опубликовано: 19 Август 2021

Ауа райының нашарлауы туралы

«Дауылды ескертулерді» алған кезде

ұсынылатын қауіпсіздік шаралары

(қатты жел):

- тез арада терезелерді, ғимараттардың есіктерін және шатырдағы үй-жайларды жабуды, ашық алаңдарда қатталған сусымалы және жеңіл материалдарды жабуды ұйымдастыру;

- көлік құралдарын, құрылыстар мен желкенді заттарды нығайту, үлкен ағаштардың аумағынан автокөліктерді шығарып тастау;

- үрлемелі құрылғыларды (батуттарды, бассейндерді және т. б.) және басқа аттракциондарды пайдалануға, сондай-ақ жүзу құралдарының суға шығуына тыйым салу;

- желдің күшін арттыру кезінде халыққа, қызметшілерге және жұмысшыларға ақпарат жеткізу және қозғалысты шектеу қажеттілігі туралы ескерту;

- мектептерде, мектепке дейінгі балалар мекемелерінде, демалыс лагерьлерінде, емдеу-поофилактикалық мекемелеріндегі науқастар мен қарт адамдардың қауіпсіздігін қамтамасыз ету;

- дауылды ескерту кезінде ауданы үлкен әйнектелген терезе ойықтары бар үй-жайларда адамдардың болуына жол бермеу;

- жолаушылар тасымалы кәсіпорындарының басшылары, автовокзал диспетчерлері дабыл түскен кезде халықты (жолаушыларды) хабардар етуге және автобустардың жүргізушілеріне дауылды ескерту, маршруттарда жүру тәртібі және ауа райының күрт нашарлауы кезінде жолаушылардың қауіпсіздігін қамтамасыз ету туралы нұсқау беруге тиіс;

- адамдар көп шоғырланатын орындарда барлық жұмыс түрлерін жүргізуді шектеу;

- ашық ауада болған кезде үйлер мен құрылыстардан, жоғары бағандардан, ағаштардан, жарнама қалқандарынан, діңгектерден, тірелерден және электр сымдарынан алшақ болу қажет;

- тұрғын үй, әлеуметтік-мәдени мақсаттағы объектілердегі қатты жел кезінде ғимараттар мен құрылыстардың (шатырлар,төсемелер, қаптамалар және т. б.) конструкциялары элементтерінің жел жүктемелеріне жай-күйін тексеру;

- авариялық және жөндеу топтарының әзірлігін тексеру, резервтік топтарды қалыптастыруға кірісу. Кезекші диспетчерлік қызметті күшейту, жауапты тұлғалардың кезекшілігін ұйымдастыру;

- Төтенше жағдайлар мен барлық оқиғалар, халықтың тыныс-тіршілігінің бұзылу фактілері туралы ТЖД-не 8(7212) 43-36-36, 43-37-37 немесе 112 телефондары арқылы хабарлау.

Қарағанды облысы төтенше жағдайлар департаменті

Подробности

Опубликовано: 19 Август 2021

Құрметті азаматтар!

Суға шомылу басынан бері суға бату оқиғалары жиіленіп кетті. Үлкен адамдардың қарауынсыз қалған балалардың суға кетуі ерекше алаңдатушылық тудыруда.

Осы уақытқа дейін ашық су айдындарында судағы қауіпсіздік қағидаларын сақтамаған демалушылар мен, балықшылардың суға бату жағдайлары орын алды.

Суға шомылу маусымында Жезқазған қаласы Төтенше жағдайлар қала тұрғындары мен қонақтарын, балалар лагерлері мен демалыс орындарының қызметкерлерін, сушаруашылық нысандарының басшыларын өздері мен жақындарына айрықша көңіл аударуға шақырады.

Сақ болыңыздар, судағы қауіпсіздік қағидаларын сақтаңыздар! Бұл өз кезегінде қайғылы оқиғалардың алдын алады.

Сіздерге әрқашан есте сақтауға тиіс қарапайым қағидаларды ұсынамыз:

- Жүзу білмесеңіз суға беліңізден жоғары тереңдікке бармаңыз;

- Балаларды қараусыз қалдырмаңыз;

- Мас күйінде суға шомылуға тыйым салынады;

- Бейтаныс орындарда суға түспеңіз;

- Жағалаудан алысқа ұзамаңыз;

- Өзіңізді үнемі бақылауда ұстаңыз;

- Түнгі уақытта шомылмаңыз;

- Үрмелі жүзу құралдарына сенім артпаңыз

- Суда қалқып тұрған желмен кеткен үрмелі құралдардың соңынан жүзбеңіз

- Жүзу кезінде тақтайшаларды және жүзуге арналмаған заттарды пайдаланбаңыз.

Жүзу құралдарын қолданғанда тыйым салынады:

• Құтқару және сутөкпе құралдарынсыз жүзуге шықпаңыз;
• Қайықтың ернеуі мен тұмсығына отырмаңыз;
• Бір орыннан екіншісіне, сондай-ақ судағы бір қайықтан басқасына орын ауыстырмаңыз;
• Қайықтан суға сүңгімеңіз;
• Жүзу құралдарын жолаушылар сыйымдылығы мен жүккөтерімділігінен артық жүктеуге;
• Бөгендер мен бөгеттерге жақын жерлерде жүзу және қайықты көпірдің астына тоқтату қауіпті.

Судағы қайғылы оқиғаның куәгері болған әрбір адам «жедел жәрдемнің» келуін күтпестен зардап шегушіге алғашқы көмек көрсете білуі тиіс.

Есте сақтаңыз! Зардап шеккен адамды тыныс алуы тоқтағаннан соң 5-6 минут ішінде өмірге қайтарып алуға болады.

Су аумағында демалу барысында жағалауда және суда төнуі мүмкін қауіп жайлы ұмытпау керек.

Сақтық шараларын ұстану – судағы басты қауіпсіздік талабы.

Подробности

Опубликовано: 19 Август 2021

Ыстық ауа райында келесі қауіпсіздік шараларын сақтаңыз:

• кун астында көп уақыт болмаңыз,әсіресе денсаулығы әлсіз адамдарға!
• өрт қауіпі төнген кезде орман алқаптарына шығуды,шектеңіз!
• ыстық және желді ауа райында от жақпаңыз!
• сөндірілмеген сіріңкелерді,темекінің қалдықтарын,сынған шыныларды тастамаңыз!
• алауларды,мангалдарды (барбекюді) тұтатпаңыз!
• өрт қауіпі бар жұмыстарды жүргізбеңіз! (өртеу,мастикамен жұмыс және т.б.)
• балаларды қараусыз қалдырмаңыз!
• дем алатын жерді ластамаңыз!

Барлық оқиғалар мен ТЖ фактілері туралы телефондарға қоңырау шалу – 112, 101 немесе 8(7212) 43-36-36, 43-37-37.

Подробности

Опубликовано: 07 Июль 2021

Білім басқармасы ерекше білім беру қажеттілігі бар балалардың білім алуына қолдау көрсету, дамудың бұзылуын түзету және білім берудің барлық деңгейлерінде әлеуметтік бейімдеу мақсатында «Malahit» бағдарламасына ерекше білім беру қажеттілігі бар балаларға инклюзивті білім берудің электрондық жүйесін енгізу бойынша жұмыс жүргізуде. Барлық арнайы білім беру жүйесінің жұмыс істеуіне байланысты барлық негізгі процестер автоматтандырылады.

Ақпараттық жүйе зерттеу актілерін, ПМПК қорытындыларын алу; білім алушыларды мектепке қабылдау және оқудан шығару процесін автоматтандыруға мүмкіндік береді. «Malahit» бағдарламасы мүмкіндігі шектеулі балалар санының толық көрінісін береді, оларды біліммен, психологиялық-педагогикалық қолдаумен қамтиды. Біз баланың анықталған және «ерекше білім беру қажеттілігі бар бала» мәртебесін алған сәттен бастап кез келген білім беру ұйымында оқуды аяқтағанға дейінгі барлық білім беру бағытын көреміз.

Барлық арнайы және инклюзивті білім беру ұйымдары (мектептер мен балабақшалар) бір тізілімде болады.

«Malahit24.kz» түзету және ПМПК кабинеттерінде бүгінде бағдарлама арқылы 261 қызмет алушының онлайн режимінде өтініш беру нұсқаулары бар.